名人推薦：李知灝（國立中正大學台灣文學與創意應用研究所副教授兼所長）
何信翰（臺中教育大學台灣語文學系副教授）
陳瀅州（國立中正大學台灣文學與創意應用所兼任助理教授）

●城隍夜巡諸羅城 sîng hông iā sûn tsu lô siânn

臺灣第一城，諸羅舊地名，
tâi uân tē it siânn，tsu lô kū tē miâ，

到今三百冬，三大古廟頭一名，
kàu tann sann pah tang，sann tuā kóo biō thâu tsi̍t miâ，

國定古蹟就佇遮。
kok tīng kóo tsik tō tī tsia。

夜審陰、日判陽，賞罰分明城隍爺，
iā sím im、ji̍t phuànn iông，siúnn hua̍t hun bîng sîng hông iâ，

陰陽介管，伊是地方的司法官，
im iông kài kuán，i sī tē hng ê su huat kuann，

趕孤魂、驅陰邪，護善除惡真猛掠。
kuánn koo hûn、khu im siâ，hōo siān tî ok tsin mé lia̍h。

八月初一時間定，相招做陣去廟埕。
peh gue̍h tshe it sî kan tiānn，sio tsio tsò tīn khì biō tiânn。

城隍夜巡金風起，威靈護佑番薯仔囝。
sîng hông iā sûn kim hong khí，ui lîng hōo iū han tsî á kiánn。

大二爺、什家將、文武判、
tuā jī iâ、si̍p ka tsiòng、bûn bú phuànn、

四大神秋冬春夏、四將軍甘柳范謝，
sì tuā sîn tshiu tang tshun hā、sì tsiong kun kam liú huān tsiā、

陣頭聲勢大，閣有𤆬路小鬼、刑具爺，
tīn thâu siann sè tuā，koh ū tshuā lōo sió kuí、hîng kū iâ，

捕快攑刀兩爿徛，犯人押束關囚車，
pōo khuài gia̍h to ln̄g pîng khiā，huān lâng ap sok kuinn siû tshia，

也有夯枷綴咧行，鬥鬧熱毋管大人抑囡仔。
iā ū giâ kê tuè leh kiânn，tàu lāu jia̍t m̄ kuán tuā lâng ia̍h gín á。

●城隍夜巡諸羅城 sîng hông iā sûn tsu lô siânn

臺灣第一城，諸羅舊地名，
tâi uân tē it siânn，tsu lô kū tē miâ，

到今三百冬，三大古廟頭一名，
kàu tann sann pah tang，sann tuā kóo biō thâu tsi̍t miâ，

國定古蹟就佇遮。
kok tīng kóo tsik tō tī tsia。

夜審陰、日判陽，賞罰分明城隍爺，
iā sím im、ji̍t phuànn iông，siúnn hua̍t hun bîng sîng hông iâ，

陰陽介管，伊是地方的司法官，
im iông kài kuán，i sī tē hng ê su huat kuann，

趕孤魂、驅陰邪，護善除惡真猛掠。
kuánn koo hûn、khu im siâ，hōo siān tî ...

【推薦序】老歌新詞新滋味──序《千金譜2.0》
何信翰（臺中教育大學台灣語文學系副教授）


　　《千金譜》是早期台灣、廈門流傳真普遍的囡仔捌字冊（蒙書），真濟到今猶定定咧使用的俗諺語，親像「竹篙鬥菜刀」等等，攏是對這本冊出來的；冊內面講著的真濟傳統事物的名稱，更加是現代人重要的參考根據─親像義美食品包裝頂面的「虎蹄」（滸苔hóo-thî）kah「吉紅」（桔紅kiat- âng）的由來，學者咧考證的時，就有參考《千金譜》的記載。
　　雖罔有重要的意義，總是《千金譜》創作的時代離這馬已經有一段時間，逐家的生活型態kah日常用品的項目早就已經改變，所以這馬 koh 讀千金譜，除了文獻意義以外，其實也已經無真濟實用的價值。
　　就是考慮《千金譜》的歷史意義kah現代生活的進步、改變，徐大年老師用《千金譜》的內容方向kah創作文體成做基礎，創作《千金譜2.0》。這本冊連附錄攏總有15章，對「台灣山水縣市」寫到「都市草地」；對「禽獸蟲豸」、「菜蔬果子」寫到「三C世界」、「生活中的日本話」，共當今台灣社會的真濟面向攏總包羅佇冊內面。會當講這本冊就是當代台灣社會的「博物誌」。
　　台灣的土地面積雖罔無算是蓋大，總是族群多元，語言、文化的種類真豐富。佇這方面，這本《千金譜2.0》的蒐集是真豐富，親像佇〈禽鳥〉這章內面，作者共屏東kah彰化對仝一種鳥仔的無仝稱呼：「山後鳥」kah「南路鷹」攏列出來，表現台灣無仝所在的，因為地形產生的無仝稱呼；佇〈宗教活動〉這章內面，毋若列出逐家攏知的內門宋江陣，就連當地真有特色的「總鋪師（tsóng-phòo-sai）」也列佇內面，會當講對內門有深入的蒐集kah了解；最後，佇語言方面，也列出日本、荷蘭遮个國家的語言，對台語詞彙的影響。對頂面有講著和其他真濟無講著的細節所在，讀者攏會當看出作者對台灣各地的了解，以及佇寫這本冊的過程當中所落的功夫。
　　傳統 kah 現代 beh 按怎結合，才會當佇保存傳統文化的仝時，也會當符合當代社會的需求和現代人的興趣，通來增加當代讀者的閱讀意願？這是真濟文字/文化工作者一直攏 leh 思考的問題。這本冊的嘗試是成功的，相信佇逐家閱讀的過程，一定會當感受著一直溢來的訊息，和吟誦的趣味。真心推薦予逐家。



【推薦序】新時代也值千金
李知灝（國立中正大學台灣文學與創意應用研究所副教授兼所長）


　　「字是隨身寶，財是國家珍。」這是古早《千金譜》踏話頭留落來的名言。早期台灣捌字的人少，喙講的話雖然是金言玉語，毋捌字就無法度記錄、傳播出去，無法度應用佇商業、工業、教育等層面。所以《千金譜》的作用，除了個人智識的提升，更加是國家運作袂使欠缺的基礎。這馬教育普及，捌字的人較濟，毋過學習的攏是華語系統，失去用台語讀寫的能力，煞顛倒講是台語無字。實在是毋知較早教育囡仔所用的《千金譜》，就是用台語來讀、來捌字。
　　毋過語言隨時代變化，新的物產佮行為就會產生新的語詞，教育囡仔的讀本嘛應該綴時代改進，因此才有這本《千金譜2.0》。這本冊除了自古以來就有的山川、民俗、動植物以外，閣有現代的交通、醫療、3C 等等，會使講是進化版本的《千金譜》。予囡仔咧唸讀的過程，自然進入台語的環境，同時學習語言佮文字，提升台灣的文化。
　　俗語講：「人不露才。」嘛有人講「人不露財」，猶閣有人講笑詼講「人不露臍」。人露臍會感冒，若露財會危險，為著文化發展來「露才」，應該是逐家所樂見的。大年這本《千金譜2.0》表現伊創作的才華，嘛向望會當予台語教學閣較趣味，予逐家攏知影台語相是有綴時代進化、發展的活語言。



【推薦序】「千金譜裡用意深」──序徐大年《千金譜2.0》
陳瀅州（國立中正大學台灣文學與創意應用所兼任助理教授）


　　《千金譜》是古早認字啟蒙的教材，除了捌字，內容有衣、食、住、行、信仰、行業、記數、契約等等幾若十種主題，會當講是包山包海，是早前誠普遍流通的蒙書。不而過，現代教育體制發展了後，遮爾有意義的冊煞漸漸無夆重視，嘛罕得有人咧使用，實在是真可惜！大年佮伊的指導教授知灝來邀請我替伊的創作論文口試，一聽著《千金譜2.0》，我隨就共允矣！
　　《千金譜2.0》既然號名「2.0」，就是以原底《千金譜》為基礎，長短句、音節節奏無變，內容對清道光閩南地區變成符合現今台灣社會，用字變較淺小可。〈序言〉以外，設定十一个主題，內底有台灣特色的山水、民俗、節日、動植物，嘛有現代社會的城鄉、交通、醫療、3C，另外也有外來語的日本話。上特別的是〈生活中的日本話〉，這是《千金譜2.0》才有的創意安排。台灣受過日本統治，日語嘛早就濫入來台語內底，成做咱日常生活當中定聽捷講的台語外來語，佇大年的手中嘛成做「千金譜」的一部分。上尾，我引用大年佇〈序言〉的「千金譜裡用意深」來做這篇的題目，咱若看這本《千金譜2.0》，毋但認捌台語字詞佮台灣文化，閱讀過程中嘛會使欣賞永早《千金譜》的音韻節奏，共同來熟姒傳統的蒙書、新時代的創作！

【推薦序】老歌新詞新滋味──序《千金譜2.0》
何信翰（臺中教育大學台灣語文學系副教授）


　　《千金譜》是早期台灣、廈門流傳真普遍的囡仔捌字冊（蒙書），真濟到今猶定定咧使用的俗諺語，親像「竹篙鬥菜刀」等等，攏是對這本冊出來的；冊內面講著的真濟傳統事物的名稱，更加是現代人重要的參考根據─親像義美食品包裝頂面的「虎蹄」（滸苔hóo-thî）kah「吉紅」（桔紅kiat- âng）的由來，學者咧考證的時，就有參考《千金譜》的記載。
　　雖罔有重要的意義，總是《千金譜》創作的時代離這馬已經有一段時間，逐家的生活型態kah日常用品...

自序｜踏話頭──阿年仔踅踅唸

　　《千金譜》是較早台灣民間流傳上闊、上出名的啟蒙教材。彼當時厝裡較散赤、無法度去學堂讀冊的人就會使讀《千金譜》，讀熟了後認捌千外字，就聽好揣頭路共頭家記數矣。我想彼當陣若有排行榜，伊應該嘛會當衝起去賣上好的暢銷書啦！《千金譜》的特色就是參科舉考試的四書五經攏用文音來讀完全無仝，伊是用大量的白話音所寫、有湊句的韻文。閣來是文章內底紀錄真濟當時泉州生活物件的名詞。
　　真可惜，佇咱國家開始有義務教育了後，逐家就漸漸共這本重要的冊放袂記得囉，到今甚至誠濟少年輩嘛毋知影有這本冊。阿年仔寫這本《千金譜2.0──改換新意講臺灣》，就是想欲予逐家會使閣注意著這本冊，而且用臺灣人的角度、講臺灣台語、寫臺灣在地的生活語言。當然啦，上重要的是我延續《千金譜》的精神，全篇是長短句結構、有湊句的韻文。
　　既然是韻文，按怎念就真重要矣，愛有節奏感、閣愛諧韻，念起來毋才會氣，所以文章內底攏有羅馬拼音。不而過臺灣雖然所在無蓋大，各地台語腔口卻是有真濟方音差，所致標音的時陣我是先用通行腔來標，毋過拄著欲湊句諧韻就會用韻跤音。比論講「病」原底標pīnn，為著諧韻就標pēnn。「羹」原底標kīnn，為著諧韻就標kēnn。「暝」原底標mî，為著諧韻就標mê。
　　另外一種狀況是：教育部臺灣台語常用詞辭典標的音，交老輩台灣人慣習講的音無仝，我選擇保留老輩原來的聲音，佇後尾才標註解說。比論講「強欲」教育部辭典是標kiông，我保留老輩giông的音。「羅漢跤仔」教育部辭典是標lô，我保留老輩lōo的音。挹墓粿教育部辭典是標ip，我保留老輩ioh的音。
　　閣來，講著予我上頭疼的「番外篇～生活中的日本話」，日本話佇台語內底有日本漢字日本音、日本漢字台語音、有台羅拼音煞無字……一逝漢字一逝台羅拼音，是欲按怎表示較袂予讀者看甲目睭花、頭殼霧嗄嗄？最後決定有漢字就下跤加一巡，無字就用台羅拼音來解決。
　　當然，為著欲予台文好的、無遐邇好的、完全未曉台文但是有興趣的讀者，攏會使了解《千金譜2.0》到底是咧講啥貨，我嘛真貼心為逐家獻聲錄音，只要提手機仔掃一下QR Code，就會使聽著我的牛聲馬喉為恁念冊，若是共恁驚著，我佇遮先共逐家會失禮，（所以奉勸逐家千萬毋通欲睏才來聽喔！）為著傳承台語文化，替台語出版冊加入新血，請恁著愛做伙鬥支持喔！感謝！努力！

自序｜踏話頭──阿年仔踅踅唸

　　《千金譜》是較早台灣民間流傳上闊、上出名的啟蒙教材。彼當時厝裡較散赤、無法度去學堂讀冊的人就會使讀《千金譜》，讀熟了後認捌千外字，就聽好揣頭路共頭家記數矣。我想彼當陣若有排行榜，伊應該嘛會當衝起去賣上好的暢銷書啦！《千金譜》的特色就是參科舉考試的四書五經攏用文音來讀完全無仝，伊是用大量的白話音所寫、有湊句的韻文。閣來是文章內底紀錄真濟當時泉州生活物件的名詞。
　　真可惜，佇咱國家開始有義務教育了後，逐家就漸漸共這本重要的冊放袂記得囉，到今甚至誠濟少年輩嘛毋知影有這...

推薦序　老歌新詞新滋味／何信翰
推薦序　新時代也值千金／李知灝
推薦序　「千金譜裡用意深」／陳瀅州
自序　踏話頭
序言
台灣山水縣市
都市佮草地
蟲豸
禽鳥
走獸
菜蔬果子
重要節日
啖糝一下
三月痟媽祖
城隍夜巡諸羅城
東港王船祭
內門宋江陣
客家義民祭
交通工具
漢醫
西醫
三C世界
番外篇～生活中的日本話
謝誌

推薦序　老歌新詞新滋味／何信翰
推薦序　新時代也值千金／李知灝
推薦序　「千金譜裡用意深」／陳瀅州
自序　踏話頭
序言
台灣山水縣市
都市佮草地
蟲豸
禽鳥
走獸
菜蔬果子
重要節日
啖糝一下
三月痟媽祖
城隍夜巡諸羅城
東港王船祭
內門宋江陣
客家義民祭
交通工具
漢醫
西醫
三C世界
番外篇～生活中的日本話
謝誌