推薦序
《香港老美》作者Simpson Wong
每個城市都蘊藏着其獨特的文化和美學，從街坊的日常對話、建築外牆裝飾、招牌及圖示等等，都是研讀城市文化的好線索。記得五年前，我籌備《香
港老美》，開始遊走港九街角取材—— 本以為自己土生土長，選材理應易如反掌，那時卻發現自己對香港的認識原來極之皮毛。隨着筆耕數年，才開始初步掌握我家的二三事—— 例如香港商場各樓層放着許多「小心地滑」牌，背後原來有段有趣典故。
「喔，這位日本小姐不僅能說一口流利的廣東話，
還蒐集了許多香港『小心地滑』牌的資料，頗有心啊！」我向同事「玖號」分享了一段有趣的YouTube 短片。「喔，阿May 是我之前當旅遊記者時認識的！頗投緣的，現在還有聯絡呢！」就這樣，我們因「地滑仔」而結緣。
阿May 除了醉心鑽研「地滑仔」外，還很努力研讀香港的城市文化。得知她鍾愛港式窗花，我們便盡地主之誼，為阿May 度身訂造一次「港式窗花導賞」作為見面禮。如今得知阿May 將居港十年所研究到的香港城市文化觀察，以繁體中文結集成書，想必花了大量心力，殊不簡單。
為她晉身作家之列感到欣喜之餘，更衷心感謝她為香港城市文化留下如此別具一格的紀錄。香港を愛するMay さんを、ぜひ応援してください！（請大家多多支持熱愛香港的阿May！）

YouTuber Lingmuk（鈴木啓介）
超級鍾意香港嘅May san 出咗一本書啦！呢本書
基於May san 喺香港經歷過嘅真實生活介紹「香港文化」同「香港人」係點樣嘅。你啲日本朋友或者你屋企人，呢本書就會幫到佢哋深入理解到港日
文化差異。老實講，我初初鍾意咗香港嘅原因係接觸到香港人嘅諗法。嗰陣我覺得香港人好值得欣賞同想跟香港人學嘢，所以最後決定咗移民嚟香港。
希望香港人睇完呢本書之後欣賞返自己就好啦。其實我日日都同香港人講廣東話吹水。喺香港公司做嘢或者同d 跑友傾偈等等。所以我都睇呢本書嘅時候諗返起之前經歷過嘅嘢，幾有趣！我相信好多住喺香港嘅日本人睇完都會點頭講「係wor～啱
啊！」
可能你都會有機會學到好多新嘢！應該會見到香港人原來係咁樣諗嘢等等。不如同May san 一齊了解多啲香港同香港人，等你可以更加鍾意呢個地方
啦！
我同May san 嘅相識係喺疫情嗰陣一齊去大圍掃街開始嘅。因為我哋兩個都熱愛香港，同埋初初自己一個人移咗民嚟香港住。其實呢一種日本人勁
少。因為我哋嘅背景差唔多，所以May san 算係香港生活嘅大前輩！我希望一齊繼續留喺香港推廣多啲香港嘅魅力，亦都繼續期待May san 繼續用又獨特又幽默嘅視角嚟帶我哋睇多啲香港嘅另一面！ May san 之後都多多指教！


前言
我係住咗香港十年嘅日本人。
我大學嗰陣時借咗一隻香港電影《花樣年華》嘅DVD，
睇完呢齣戲之後我就愛上咗香港。
呢齣戲入面嘅香港好有人情味，成個城市嘅風格好有品
味，而且充滿活力，廣東話嘅聲調聽起上嚟特別有魅
力，最令我深刻嘅係落雨嘅場景靚到不得了。
我當時就諗：「如果喺香港生活，即使落雨都好似會開心
啲。」
（因為我本來好唔鍾意落雨天氣）
就係因為咁單純嘅原因，我開始有咗呢個夢想—— 將來
想住喺香港！
而呢個夢想就喺2014 年正式實現。我透過Working
Holiday 制度嚟到香港生活。
嗰陣係我人生第一次海外生活，乜都唔識，好多嘢都
唔習慣。但係，好多香港人幫我手，多得佢哋，我先
可以喺香港過咗一段好開心嘅生活。之後，我經歷咗
Working Holiday 打工、做full-time、轉過幾次工、結
婚，就咁樣行到依家。
我一直都好鍾意香港生活，真係多得一路上遇到嘅每一
位。真心感謝大家。
三年前我開始做Youtube channel 分享我的香港生活。
其實早就有興趣Youtube，但一直都唔敢踏出第一步，
因為驚出鏡，所以遲咗兩年先開始。直到有一排我病咗
入院，嗰段時間真係幾辛苦，令我突然感到：「人生只係
得一次，有想做嘅嘢就勇敢挑戰！」結果我鼓起勇氣，
我先生都好支持我，終於開始經營Youtube channel 了。
Youtube channel 主要用廣東話分
享香港同日本嘅文化差異。透過呢
個channel 希望令香港人知道，其
實有啲日本人真係好鍾意香港；亦
都想畀大家知道，外國人對廣東話
都好有興趣；仲有，想分享吓喺日
本人眼中嘅香港好有趣！
有時會收到啲留言話：「本來每日
生活都感到好悶，但多得你，先知
道自己長大嘅香港其實有好多有趣
嘅地方。」
收到咁嘅反應，我覺得自己做緊嘅
嘢好有意義，好有動力繼續落去。
開始咗Youtube channel 差唔多兩年之後，收到萬里機構邀請我
寫書。
Youtube 係影像媒體，但今次可以用文字嘅方式去同大家分享
「一個日本人眼中嘅香港」，我覺得係一個好好嘅機會。另外，
我亦都希望當香港人同日本人傾計嘅時候，可以更加容易介紹香
港畀對方聽，所以我喺每一章都加咗日語增值班，仲有聲音教學
添，所以就算你識唔識日文，都可以試吓聽吓。
希望呢本書可以成為一個連繫日本人同香港人嘅橋樑，為此我覺
得好期待、好興奮、好滿足！

推薦序
《香港老美》作者Simpson Wong
每個城市都蘊藏着其獨特的文化和美學，從街坊的日常對話、建築外牆裝飾、招牌及圖示等等，都是研讀城市文化的好線索。記得五年前，我籌備《香
港老美》，開始遊走港九街角取材—— 本以為自己土生土長，選材理應易如反掌，那時卻發現自己對香港的認識原來極之皮毛。隨着筆耕數年，才開始初步掌握我家的二三事—— 例如香港商場各樓層放着許多「小心地滑」牌，背後原來有段有趣典故。
「喔，這位日本小姐不僅能說一口流利的廣東話，
還蒐集了許多香港『小心地滑』牌的資料，頗有心啊！」我向同事「玖號」...