客爸仔

四常睏外面的浪溜嗹，自稱透早敕甘露，暗時啉月光，靈氣滿身，會當了解一寡虫豸的話語。

早起拄好一群愛護生態人士，來公園四界踏查。in相金龜、揣樹蟬仔、翕草猴、逐尾蝶仔…紀錄做袂離。

「虫豸誠古錐，毋過性命誠短，而且一下無細膩，就予鳥仔捅去。咱疼惜大自然，必須要愛護in。」tshuā隊的老師講。

「欲按怎愛護？」

「就是莫捕掠，莫干擾。」

「按呢傷消極啦，我講一件予恁參考。」浪溜嗹坐佇樹仔跤出聲。

逐家誠好奇就停跤暫且聽伊講。

「有一工啊，我啉足濟燒酒來歇公園，毋過恐驚蠓仔欶著我的血會酒精中毒，刁工去彼間洗甲足清氣，貼特優標誌的便所睏，內底無半隻蠓。按呢有疼 惜虫豸無？」

誠是有疼心，比修道人較慈悲，聽眾開始感動矣。

「想袂到半暝有一隻蠓飛入來，嗡嗡叫。」

「我睏甲當落眠喙開開，毋過彷彿有聽著蠓仔小姐講：我愛你！聲音輕輕歹勢歹勢。」

「啊，我聽一下喙愈大開。紲落，伊雄雄揤倚來，用鬥射針的喙脣對準我的喙脣唚落去。」

「俺娘喂！」浪溜嗹挲一下喙脣，「斟酌聽，毋是我咧哀，是蠓仔小姐。窮實伊相無準，唚著喙齒。」

天啊，幾若个查某囡仔聽甲哀出聲。

「可憐代，伊的射針斷一節去。這聲無法度食物件，會飫死啦。」

「伊佇我面前唱哀歌，有日語有華語，也有台語歌。其中台語的上哀悲。」

「我聽甲目屎輾落來，人也精神。我共講，蠓仔小姐，算是我害妳的，按呢啦，我按算收留妳，負責包飼妳。」

「隔轉工開始，蠓仔小姐見若喝飫，我就用針佇手肚刺一下，流血珠一滴，蠓仔小姐拄食一頓。」

「按呢食無幾頓，伊就講有身，欲去生囝矣，我的責任也完成矣。」

「想袂到過十外工了後，蠓仔小姐一睏仔tshuā兩百个囡仔來揣我，做伙叫阿爸，聲音整齊像霆雷。我感動共哭出來。」

「毋是阿爸，是客爸仔。我算是養爸。」浪溜嗹拭目屎繼續講：「我共兩百个養子講人間的道理，愛合和才會生存傳湠，無貪嗔痴才會歡喜。in聽煞就攏褫翅飛出去，隨个仔去追求伊的人生矣。」

眾人聽甲楞楞，有人流目屎，有人合掌直直拜：「大慈大悲觀世音菩薩。」

客爸仔

四常睏外面的浪溜嗹，自稱透早敕甘露，暗時啉月光，靈氣滿身，會當了解一寡虫豸的話語。

早起拄好一群愛護生態人士，來公園四界踏查。in相金龜、揣樹蟬仔、翕草猴、逐尾蝶仔…紀錄做袂離。

「虫豸誠古錐，毋過性命誠短，而且一下無細膩，就予鳥仔捅去。咱疼惜大自然，必須要愛護in。」tshuā隊的老師講。

「欲按怎愛護？」

「就是莫捕掠，莫干擾。」

「按呢傷消極啦，我講一件予恁參考。」浪溜嗹坐佇樹仔跤出聲。

逐家誠好奇就停跤暫且聽伊講。

「有一工啊，我啉足濟燒酒來歇公園，毋過恐驚蠓仔欶著我的血會酒精中毒，刁工去彼...

【推薦序】

【贊聲的話】無定著的Bōto，彎來斡去的文學路／顧謙

熟似王羅蜜多，是因為伊的筆名。上起先，看著面冊的「蜜多王羅」，頭敧敧毋知這是啥物，無偌久讀著詩刊的一首無意象詩，徛名「王羅蜜多」，頷頸才掠予正。毋過有一回參加文學座談，煞看著伊的名牌寫「王波羅蜜」，予我驚一趒。我踏倚去細聲問緣故，伊講，這是無定形的名字，正行王羅蜜多，倒轉多蜜羅王，按怎唸都無代誌。

我心內想，就是這款性素的作家，才會寫出這lō詼諧腫頷的文字。不而過，根據訪談，伊講並毋是自開始就按呢生，而且，話若欲講透機，頭前溪的水就流袂離。

原來，伊是戰後彼一、二十冬出世的囡仔。斯當時生活足歹過，欠食食（tsia̍h-si̍t）無娛樂，無代誌就走溪埔掠鰗餾，逐大栱仙（招潮蟹），舞甲規身軀漉糊糜仔，轉去到厝，阿毋雖罔毋甘摃囝，洗衫洗甲會齷齪（ak-tsak），就大聲詈（lé）,夭壽死囡仔，頭前溪無崁蓋啦！不而過，這款話足罕得，大部份攏是疼惜的言語，尤其是對學校轉來，阿母就問講考試幾分，老師有疼你無，閣紲落食暗，就講食這食彼較有營養，而且較臨十句台語就插一句日語。

講著國民學校，彼間海邊的庄跤學校，予伊印象上深的是，老師國語講袂輾轉，而且足愛講台語，拄著仔插一句日語。狡怪的，老師會駡歹囡仔厚讕頭，唱歌傷好聽，煞嫌疑偷食薰，才會變鴨形仔聲。

所致，伊從少年就足愛講台語，而且無禁無忌。伊講退伍佇南部食頭路，老的少年的，賣魚賣肉做穡的全台語，三教九流攏台語，予伊的台語詞愈豐沛。落尾，開會時陣，伊共會議資料一字一字唸台語，逐个聽甲會吐舌。

蜜多兄共我講遮濟，是欲說明伊的台語生活順利無礙，非常好運，這也致使伊開始投入台語文學創作就左捽正寫，各種文類、題材寫袂離。

窮實蜜多的寫作足晏（uànn）才起步。伊四十歲興做甆（huî）（陶藝），做甲予塗黏咧。五十歲愛畫圖，對寫實變超現實、抽象、自動性技法逐項來，四常舞甲規頭規面，一直甲六十才開始文學創作，起頭是華語詩，六十五無張持沐著台語文創作，這聲有額矣，閣親像活魚跳落深水，品無回頭直直泅直直去。

這就是母語的吸引力，一下現身予你仙擋擋袂牢。蜜多兄的台語寫作，七、八冬來，經常是佇咖啡廳、飲料店，共沿路看著、聽著、想著的，附相片寫落手機仔，發表佇面冊。伊講彼是上鮮沢的現流仔，因為多數是台語詩，阮就稱呼伊「現流仔詩人」。

不過這兩冬來，發現伊變款矣！伊已經決意共寫作的重心徙來小說。伊講，小說才會當予伊的母語全力發揮，共三教九流乞食羅漢的語言，無罜無礙用上紲拍的方式，親像水沖瀉出來。

有人講，上四就袂攝，你食老才寫小說，會當寫偌濟？蜜多兄卻是無煩惱。伊講，我上七猶會攝，而且精氣飽滇，一瀉千里，成做水池流出大海，我是一隻Bōto，直直駛直直去，彼是一个無的確的盡尾。伊講的閣親像腫頷，毋過誠是有士氣。

《詩王浪溜嗹》，佇伊十外本的著作內底算是誠特殊。首先，伊寫的是一个無身世的人物，有無定形的性素，捎無㨑的出頭，不時予人驚一趒的演出。

照蜜多兄起先的想像，這个浪溜嗹是毋是會接近魯迅所寫的「阿Q」？毋過寫無幾篇就感覺無仝矣！因為阿Q彼種龜龜鼈鼈，閣足愛瞪丹田的個性完全無法度參浪先生比較。

這个故事中的浪溜嗹雖罔浪蕩幌，毋過伊有學習上進的心，有人生的美夢。伊的人格是高尚的，伊嘛有正義感。

對這款形的人物，蜜多兄寫作的策略，是運用詼諧的手路，寫出浪溜嗹好笑閣令人同情，也予人尊敬的人生。

遮的故事文字，蜜多兄借用我的名字設立面冊，佇兩年中間，逐篇附圖畫發表。遮的作品也是現流仔，遮的現流仔毋是細尾魚，而且有腫腫的頷頸。伊共這个面冊的好友限佇一百个以內，連伊家己都無。聽講，伊遮的腫頷文，按贊的通常無超過三十个，不而過會有十个哈哈大笑，看起來是女性較濟。

另外，蜜多兄這擺的冊有參in細漢查某囝合作，予伊選三篇製造有聲圖畫冊，向望會當增加趣味性，予較濟人做伙入來詼諧有力的台語文學內底。

總講一句，蜜多兄這本《詩王浪溜嗹》是有深刻內容兼有趣味的冊，若講佇「現流仔詩人」之後，閣稱呼伊是「腫頷大師」，我想嘛無過份，逐家若有認同，噗仔聲共催落去！

【導讀】

《詩王浪溜嗹》，佇作者十外本的著作內底算是誠特殊。首先，伊寫的是一个無身世的人物，有無定形的性素，捎無㨑的出頭，不時予人驚一趒的演出。

照作者起先的想像，這个浪溜嗹是毋是會接近魯迅所寫的「阿Q」？毋過寫無幾篇就感覺無仝矣！因為阿Q彼種龜龜鼈鼈，閣足愛瞪丹田的個性完全無法度參浪先生比較。

這个故事中的浪溜嗹雖是蕩浪幌四界趖，毋過伊有學習上進的心，有人生的美夢。伊的人格是高尚的，伊嘛有正義感。

對這款形的人物，書寫的策略，是運用詼諧的手路，寫出浪溜嗹好笑閣令人同情，也予人尊敬的人生。

讀這本冊的朋友無需要用嚴肅的學習的態度來看待，因為這是佇荒譀中帶有正經的冊，是藉逐家心目中的無路用人來講有路用的代誌，這種代誌需要逐家放下裝備，佇笑詼中來敨開內心的綑縛。

另外，作者這擺的冊有參in細漢查某囝合作，予伊選三篇製造有聲圖畫冊，向望會當增加趣味性，予較濟人做伙入來詼諧有力的台語文學內底。

這本《詩王浪溜嗹》是有深刻內容兼趣味的冊，作者佇「現流仔詩人」之後，會使講是進一步成做「腫頷大師」矣！

【華語大意】《詩王浪溜嗹》，在作者十數本著作中顯然相當特殊。這書中寫的是一個身世不明，個性不定、言行無厘頭，荒誕不經的人物，這人物經常有讓人驚愕難以理解的演出。

照作者起先設想，這個浪溜嗹可能會接近魯迅的阿Q，可是故事發展過程中，很快就發現是截然不同的人物，因為阿Q那種卑劣扭捏、自我吹噓、精神勝利的個性，完無法和浪先生比較。

這故事中的浪溜嗹雖然四處閒蕩，生活形同流浪漢，但他有學習上進的心，有人生美夢。他的人格是高尚的，也有正義感。

對這樣的人物，書寫策略是運用誇張、詼諧的手法，寫出浪溜嗹好笑又令人同情，以及被尊敬的人生。

讀這本書的朋友切勿使用嚴肅的學習態度，因為這是在荒誕中顯見一本正經的書，是藉大家心目中的無用之人敘述有用之事，這事需要大家缷下裝備，在嘻笑怒罵中解開內在的束縛。

另外，作者首次和小女兒九方合作，請她撿選三篇製作繪本，期待能增添趣味，吸引更多人一起進入這詼諧有力的台語文學作品。

這本《詩王浪溜嗹》是有深刻內容兼趣味的書，作者在號稱「現流仔詩人」之後，可謂進一步化身「腫頷大師」了！

【自序】

我自少年就足愛講台語，而且無禁無忌。退伍佇南部食頭路，老的少年的，賣魚賣肉做穡的全台語，三教九流攏台語，予我的台語詞愈豐沛。落尾，開會時陣，我共會議資料一字一字唸台語，逐个聽甲會吐舌。

閣再講這，是欲說明我的台語生活順利無礙，非常好運，這也致使我開始投入台語文學創作就左捽正寫，各種文類、題材寫袂離。

窮實我的寫作足晏才起步。四十歲興做甆（陶藝），做甲予塗黏咧。五十歲愛畫圖，對寫實變超現實、抽象、自動性技法逐項來，四常舞甲規頭規面。一直甲六十才開始文學創作，起頭是華語詩，六十五無張持沐著台語文創作，這聲有額矣，閣親像活魚跳落深水，品無回頭直直泅直直去。

這就是母語的吸引力，一下現身予你仙擋擋袂牢。我的台語寫作，七、八冬來，經常是佇咖啡廳、飲料店，共沿路看著、聽著、想著的，附相片寫落手機仔，發表佇面冊。這是上鮮沢的現流仔，因為多數是台語詩，文友就稱呼我「現流仔詩人」。

不過這兩冬來變款矣！我已經決意共寫作的重心徙來小說。因為小說才會當予我的母語全力發揮，共三教九流乞食羅漢的語言，無罜無礙用上紲拍的方式，親像水沖瀉出來。

【推薦序】

【贊聲的話】無定著的Bōto，彎來斡去的文學路／顧謙

熟似王羅蜜多，是因為伊的筆名。上起先，看著面冊的「蜜多王羅」，頭敧敧毋知這是啥物，無偌久讀著詩刊的一首無意象詩，徛名「王羅蜜多」，頷頸才掠予正。毋過有一回參加文學座談，煞看著伊的名牌寫「王波羅蜜」，予我驚一趒。我踏倚去細聲問緣故，伊講，這是無定形的名字，正行王羅蜜多，倒轉多蜜羅王，按怎唸都無代誌。

我心內想，就是這款性素的作家，才會寫出這lō詼諧腫頷的文字。不而過，根據訪談，伊講並毋是自開始就按呢生，而且，話若欲講透機，頭前溪的水就流袂...

目錄
【開場有影】放火燒天
【出場有聲】十支喙九隻貓一个浪溜嗹
【贊聲的話】無定著的Bōto，彎來斡去的文學路／顧謙
【起鼓】真假仙．浪溜嗹
落大雨彼一日
冇古
風景話
啥物星
彼粒星
跳舞第一
蠓仔Cha-Cha
客爸仔
大獎
遺作畫家
送一蕊心花
必爿王
一齣布袋戲
賊頭賊尾
軍歌教官
抗議家
美國咒
旗啊．旗啊．旗
皇宮第二
皇帝命
紅蝦
放炮猴
上好空的助理
五四運動
不黨
bì-lù仔
畏寒
開運
手氣啦手氣．食薰等手氣
母語第三
學台語
台語補習班
中毒
加減話
免審查
奶仔球
鳥屎膏
扁膣餃
飛出去啦飛出去
詩王第四
詩魚
現代詩甕
詩的滋味
有寫．無寫
橋佮水講話
詩花
夢露詩詩叫
文學獎
飛過文學地景
詩人石
功夫詩
新詩共和國
撇車
文抄帝君
仝教無仝教
詩王科目三
䆀詩清潔隊
Yoga呢Yoga
阿空第五
神指（tsáinn）
龜神
風水師
紅雞胿
開破詩王
阿空師父
蜘蛛夢
空外空
牽詩補天
原在是草仔青青
【煞戲順行】siáng 是浪溜嗹

目錄
【開場有影】放火燒天
【出場有聲】十支喙九隻貓一个浪溜嗹
【贊聲的話】無定著的Bōto，彎來斡去的文學路／顧謙
【起鼓】真假仙．浪溜嗹
落大雨彼一日
冇古
風景話
啥物星
彼粒星
跳舞第一
蠓仔Cha-Cha
客爸仔
大獎
遺作畫家
送一蕊心花
必爿王
一齣布袋戲
賊頭賊尾
軍歌教官
抗議家
美國咒
旗啊．旗啊．旗
皇宮第二
皇帝命
紅蝦
放炮猴
上好空的助理
五四運動
不黨
bì-lù仔
畏寒
開運
手氣啦手氣．食薰等手氣
母語第三
學台語
台語補習班
中毒
加減話
免...