第1回 美猴王出世

喺好遠好遠嘅東勝神洲傲來國，大海中有一座山，人人都叫呢座山做花果山。喺花果山山頂上面，有一塊仙石，長年累月咁吸收着天地嘅靈氣，享受着日月嘅精華。有一日，仙石突然出現一道裂縫，裂縫不斷擴散開，最後令成塊仙石爆開，只剩低中間一個籃球咁大嘅圓石。微風一吹，塊石頭居然發光，跟着生出手腳，變成一隻有生命嘅石馬騮。啱啱誕生嘅石馬騮，雙眼發出兩道金光，一直射到天庭上面。

呢個時候，正喺天庭靈霄寶殿嘅玉皇大帝以及一眾神仙，見到從凡間射上來嘅兩道金光，都覺得非常奇怪。玉皇大帝於是就命令千里眼同埋順風耳兩個將軍，去南天門睇下究竟發生咗乜嘢事。好快，千里眼同順風耳就返來，向玉皇大帝稟告：「玉皇大帝，東勝神洲傲來國海中有一座花果山，山上嘅一塊仙石爆出一隻石馬騮。而照上天庭嘅正正就係呢隻馬騮眼晴發出嘅兩道金光。」玉皇大帝聽到之後，總算鬆一口氣，就話：「原來係天地精華孕育出來嘅產物，咁就一啲都唔出奇啦。」

石馬騮誕生之後，每日都同花果山上面嘅其他馬騮同其他動物一齊玩，日子過得好開心。有一日，天氣非常之熱，班馬騮玩到攰喇，就走到山澗裡面沖涼。山澗嘅水又清又涼，所以大家都非常鍾意呢個地方。就喺呢個時候，班馬騮忽發奇想，就諗：究竟咁清涼嘅山水，喺邊到流出來嘅呢？

為咗知道答案，一班馬騮就沿着山澗一直向山上面爬，最後終於都爬到源流之處，原來係一幅好靚嘅瀑布飛泉，由高處向下湧流。原來山澗嘅水都係經過瀑布一直流向山腳，再流入大海嘅。喺附近探索咗一輪之後，本來以為班馬騮會心滿意足咁返去休息，點知，活潑好動嘅佢哋又開始喺到諗：瀑布飛泉裡面究竟有啲乜嘢呢？大家都想知道，但瀑布嘅水流好快，而且又危險，在場嘅馬騮都唔敢輕易行埋去。於是乎，幾隻馬騮就提議：「如果邊個有本事穿過瀑布，去另一面打探情況，而又平安無事返出來嘅，佢就做我哋嘅大王啦！」於是石馬騮就跳出來，大聲咁話：「等我來啦！」

石馬騮慢慢行近瀑布，踎低一跳，「嗖」一聲就跳入瀑布裡面。石馬騮走入瀑布之後，發現原來瀑布內外係兩個截然不同嘅地方，瀑布裡面無積水，但係就有一條鐵板橋，橋下面有流水沖擊，倒掛出去變成瀑布，遮擋咗橋門，而鐵板橋就連接着一個山洞。石馬騮行過橋，去到山洞面前，再望入洞入面，見到裡面擺咗好多石枱、石櫈、石床，就好似曾經有人住過一樣。而喺山洞外就有一塊石碑，上面刻着「花果山福地，水簾洞洞天」石馬騮興奮咁話：「呢到真係一個好地方啊！」

其他馬騮喺洞外面等咗一陣，都未見石馬騮出返來。就喺呢個時候，瀑布傳來「啪答」一聲，石馬騮就由瀑布裡面出返來。其他嘅馬騮見到，蜂擁而上，爭着咁問：「裡面嘅環境係點㗎？水有幾深？」石馬騮興奮咁話：「裡面根本就無水，只有一條鐵橋同一個山洞。而嗰個山洞呢，係可以俾我哋住嘅好地方。」大家聽到石馬騮咁講，就跟着石馬騮一個跟一個咁跳入瀑布。

班馬騮一入到水簾洞，就開始爭奪裡面嘅石枱石櫈、石碗石盆來用，將佢哋搬來搬去。呢個時候，石馬騮跳上一張石櫈上面，同大家講：「啱啱你哋唔係話邊個有本事跳入瀑布，而又平安無事返出來嘅話就做你哋大王嘅咩？依家我做到喇，仲幫大家搵到一個咁好嘅地方住，你哋仲唔叫我做大王？」馬騮聽到之後，互相對望咗一陣，然後都紛紛圍上石馬騮前面跪拜，仲一邊大聲叫：「千歲大王！千歲大王！」

自此以後，石馬騮就成為咗大家嘅大王，每日帶領着一眾馬騮喺花果山裡面遊山玩水，大家都叫佢做「美猴王」。

第1回 美猴王出世

喺好遠好遠嘅東勝神洲傲來國，大海中有一座山，人人都叫呢座山做花果山。喺花果山山頂上面，有一塊仙石，長年累月咁吸收着天地嘅靈氣，享受着日月嘅精華。有一日，仙石突然出現一道裂縫，裂縫不斷擴散開，最後令成塊仙石爆開，只剩低中間一個籃球咁大嘅圓石。微風一吹，塊石頭居然發光，跟着生出手腳，變成一隻有生命嘅石馬騮。啱啱誕生嘅石馬騮，雙眼發出兩道金光，一直射到天庭上面。

呢個時候，正喺天庭靈霄寶殿嘅玉皇大帝以及一眾神仙，見到從凡間射上來嘅兩道金光，都覺得非常奇怪。玉皇大帝於是就命令千里眼同埋順風耳兩個將軍，...

目錄

第1回 美猴王出世 6
第2回 拜師初學藝 10
第3回 龍宮借寶 15
第4回 齊天大聖 20
第5回 大鬧天宮 25
第6回 唐僧收徒 30
第7回 收服白龍馬 35
第8回 黑風山 40
第9回 高老莊收徒 45
第10回 黃風嶺 49
第11回 流沙河遇險 55
第12回 偷食人參果 59
第13回 三打白骨精 64
第14回 寶象國遭難 69
第15回 金角和銀角 74
第16回 烏雞國伏妖 80
第17回 大戰紅孩兒 84
第18回 車遲國鬥法 90
第19回 路阻通天河 96
第20回 金兜洞 102
第21回 女兒國奇遇 108
第22回 真假美猴王 113
第23回 三借芭蕉扇 119
第24回 祭賽國奪寶 125
第25回 小雷音寺 131
第26回 盤絲洞 138
第27回 獅駝國三魔 143
第28回 九頭獅子 149
第29回 天竺國招親 156
第30回 如來賜真經 161

目錄

第1回 美猴王出世 6
第2回 拜師初學藝 10
第3回 龍宮借寶 15
第4回 齊天大聖 20
第5回 大鬧天宮 25
第6回 唐僧收徒 30
第7回 收服白龍馬 35
第8回 黑風山 40
第9回 高老莊收徒 45
第10回 黃風嶺 49
第11回 流沙河遇險 55
第12回 偷食人參果 59
第13回 三打白骨精 64
第14回 寶象國遭難 69
第15回 金角和銀角 74
第16回 烏雞國伏妖 80
第17回 大戰紅孩兒 84
第18回 車遲國鬥法 90
第19回 路阻通天河 96
第20回 金兜洞 102
第21回 女兒國奇遇 108
第22回...