Bán Chheⁿ
Sèng-tàn-mê, thô͘- kha choán-choán seh,
Thiⁿ-téng choân-choân chheⁿ.
Săn-tá Khu-lờ-sù tùi chia kòe,
Chài góa khì bán chheⁿ.
05 Chi̍t lia̍p âng, chi̍t lia̍p n̂g, chi̍t lia̍p chheⁿ,
Bán-bán chi̍t pờ-tē,
Bán-tńg-lái tàu tòa sèng-tàn- chhiū.
Sèng-tàn-chhiū, sih-ā-sih.
Ma-ma khòaⁿ-kà hèng-chhih-chhih,
10 Kiò Săn-tá Khu-lờ-sù chài i khì bán chheⁿ.
---------------
0 bán: 摘 chheⁿ: 星星
1 Sèng-tàn-mê: 聖誕夜 thô͘- kha: choân-choân: 盡是seh: 雪
2 thiⁿ-téng: 天上
3 Săn-tá Khu-lờ-su: 聖誕老公公tùi: 打從 chia: 這兒 kòe: 經過
4 chài: 載 góa: 我 khì:...去
5 chi̍t:一 lia̍p: 顆 âng: 紅 n̂g: 黃 chheⁿ: 綠
6 pò-tē: 麻袋
7 tńg-lái: 回來tiàu: 掛 tòa: 在於 sèng-tàn- chhiū: 聖誕樹
8 sih- ā -sih: 閃一閃的
9 ma-ma: 媽媽 khòaⁿ- kà: 看得 hèng-chhih-chhih: 興趣盎然
10 kiò: 叫 i: 她
*******************
◎ Gû Khiâ Ku
Ku kah gû khi thit-thô.
Ku pê-kà kha sng.
Gû kóng: “Lâi. Góa kā lí āiⁿ.”
Ku tiō hō͘ gû aiⁿ.
05 Ku khiâ gû.
Ku kah gû lâi kà ô͘-piⁿ.
Gu bē-tàng kòe.
Ku kóng: “Lâi. Góa kā lí āiⁿ.”
Gû tiō hō͘ ku āiⁿ.
10 Gû khiâ ku.
---------------
0 gû: 牛 khiâ: 騎 ku: 龜
1 kah: 和; 跟 khì: 去thit-thô: 玩
2 pê: 爬 kà: 到 kha: 脚 sng: 痠
3 kóng: 講 lâi: 來 góa: 我kā: 幫; 替lí: 你 āiⁿ: 揹
4 tiō: 就 hō͘: 讓
6 kà: 到 ô͘-piⁿ: 湖邊
7 bē-tàng: 不能 kòe: 過
*******************
◎ Chháu-lâng
Jit--si, chháu-lâng tiām-tiām khiā,
Chāi chiáu-á tòa thâu-khak-téng thit-thô,
Chāi chiáu-á tòa chhân--e thó-chia̍h.
Àm-sî, chháu-lâng sì-kè kiâⁿ.
05 Hóe-kim-chheⁿ kā i chhiō-lō͘,
Chôa kā i chhōa- lō͘,
Khì khòaⁿ lờ-lê ōe-tô͘,
Khì khòaⁿ chîⁿ-chhí óe thô͘.
Thiⁿ kng, chháu-lâng tńg-lâi khiā-ho͘-hó,
10 Chiáu-á koh lâi thit-thô.
---------------
0 chháu-lâng: 稻草人
1 jit--si: 白天 tiām-tiām: 靜靜地 khiā: 站(著)
2 chāi: 任憑 chiáu-á: 鳥 tòa: 在於 thâu-khak-téng: 頭上 thit-thô: 玩兒
3 chhân--e: 田裡 thó-chia̍h: 討生活
4 àm- sî: 夜裡 si-kè: 到處 kiân: (遊) 走
5 hóe-kim- chheⁿ: 螢火蟲 kā: 給; 為 i: 他; 它chhiō-lō͘: 照亮脚前的路
6 chôa: 蛇 chhōa- lō͘: 帶路
7 khì:... 去 khòaⁿ: 看 lờ-lê:蝸牛 ōe-tô͘:繪畫
8 chîⁿ-chhí: 地鼠 óe:挖 thô͘:泥土
9 thiⁿ kng: 天亮 tńg-lâi: 回來 khiā-ho͘-hó: 站好
10 koh: 又
2026專利防護中