作者序（台文） 台灣社會tī chit 幾冬開始tì-tiōng母語教育，m̄-koh有khan-kha̍p ê 教材kap thang看kiau聽ê素材，sio-siāng chok khiàm-khoeh。市面上ê母語創作，lóng是文學作品ah-sī語言教學ê khah chē，chhun--ê ê 內容tian-tò khah chió，m̄-chiah gún phah算來製作頭一本台語生態囡仔歌ê影音繪本，引chhōa囡仔兄姊ùi學習chia--ê蟲thōa動物ê趣味童謠、生態畫圖開始，chiah-koh用台灣ê語言介紹自然生態，呈現母語ê文化內涵hām i sim-sek ê所在。
Lán chit 本冊 kō͘ 台灣原生動植物kap自然環境落去深想，學人里山倡議ê精神，kā主軸分做森林、河川、淺山、淺海四大主題，lóng總8款台灣原生動植物ê生態，創作全新ê台語囡仔歌，koh配合歌謠內容做chiâⁿ囡仔繪本，kiau歌謠主題ê自然生態實際錄影ê影片。
Tùi深海kàu深山中央，Ho͘-lú-mó͘-sah 台灣chit tè島嶼，養chhī真chē人類kap自然萬物，lán ē-sái講lóng是島嶼ê囝兒序細，chia濃縮海洋kàu koân山、熱帶kàu寒帶ê生態環境，tō tī lán ê 身軀邊，hoān-sè 是久--ah lán 無kā tì-ì變做生份ah。生物hām環境、語言kiau文化，lóng tī lán ê 身軀邊，lán nā 失覺察無看tio̍h，ta̍uh-ta̍uh-á tio̍h ē kā in 放bē 記，慢慢á in tio̍h ē 消失。
Lán ǹg望用ta̍k款方式ê創作，hō͘ 囡仔兄姊借唱歌、烏白chu̍t ê 時iā落in ê 想像力，hō͘大漢朋友借chia ê 影片koh-chài siàu念細漢ê時kap chia-ê 小動物ê朋友情，chhōe tńg來對性命kap文化ê趣味hām熱情。
Tī chia 我 beh 借 chit-ê 機會感謝我 ê 牽手，支持我做生態、做台語，kap 我tâng-chê推廣母語，saⁿ-kap堅持hō͘囡仔全台語ê生活環境；感謝我ê父母，阿邦hām阿敏，in自我細漢到taⁿ，lóng chok 支持我做家己理想kap興趣ê tāi-chì，雖bóng無thang gōa 好討thàn，m̄-koh mā bē hō͘ 我siuⁿ 大ê 壓力，甚至koh ē tàu sio-thīn；感謝我ê 丈人kap丈姆，阿民kap阿玉，有恁tī kha-chiah後tàu-saⁿ-kāng照顧囡仔、hō͘伊十足ê母語環境，阮chiah ē-tàng chù心做chia--ê tāi-chì；感謝阮ê小弟小妹，恁各式各樣ê才情，hō͘ 咱ē-tàng做伙sńg chiah-ni̍h有意義ê tāi-chì，多謝恁 sio 放伴，咱tàu-tīn kā 台灣加油！Lo̍h尾beh感謝阮tau ê 董事長，chit本冊是beh送你ê，阮逐个lóng愛你！
作者序（台文） 台灣社會tī chit 幾冬開始tì-tiōng母語教育，m̄-koh有khan-kha̍p ê 教材kap thang看kiau聽ê素材，sio-siāng chok khiàm-khoeh。市面上ê母語創作，lóng是文學作品ah-sī語言教學ê khah chē，chhun--ê ê 內容tian-tò khah chió，m̄-chiah gún phah算來製作頭一本台語生態囡仔歌ê影音繪本，引chhōa囡仔兄姊ùi學習chia--ê蟲thōa動物ê趣味童謠、生態畫圖開始，chiah-koh用台灣ê語言介紹自然生態，呈現母語ê文化內涵hām i sim-sek ê所在。
Lán chit 本冊 kō͘ 台灣原生動植物kap自然環境落去深想，學人里山倡議ê精神，kā主軸分做森林、河川、淺山、淺海四大主題，lóng總8款台灣原生動植物ê生態，創作全新ê台語囡仔歌，koh配合歌謠內容做chiâⁿ囡仔繪本，kiau歌謠主題ê自然生態實際錄影ê影片。
Tùi深海kàu深山中央，Ho͘-lú-mó͘-sah 台灣chit tè島嶼，養chhī真chē人類kap自然萬物，lán ē-sái講lóng是島嶼ê囝兒序細，chia濃縮海洋kàu koân山、熱帶kàu寒帶ê生態環境，tō tī lán ê 身軀邊，hoān-sè 是久--ah lán 無kā tì-ì變做生份ah。生物hām環境、語言kiau文化，lóng tī lán ê 身軀邊，lán nā 失覺察無看tio̍h，ta̍uh-ta̍uh-á tio̍h ē kā in 放bē 記，慢慢á in tio̍h ē 消失。
Lán ǹg望用ta̍k款方式ê創作，hō͘ 囡仔兄姊借唱歌、烏白chu̍t ê 時iā落in ê 想像力，hō͘大漢朋友借chia ê 影片koh-chài siàu念細漢ê時kap chia-ê 小動物ê朋友情，chhōe tńg來對性命kap文化ê趣味hām熱情。
Tī chia 我 beh 借 chit-ê 機會感謝我 ê 牽手，支持我做生態、做台語，kap 我tâng-chê推廣母語，saⁿ-kap堅持hō͘囡仔全台語ê生活環境；感謝我ê父母，阿邦hām阿敏，in自我細漢到taⁿ，lóng chok 支持我做家己理想kap興趣ê tāi-chì，雖bóng無thang gōa 好討thàn，m̄-koh mā bē hō͘ 我siuⁿ 大ê 壓力，甚至koh ē tàu sio-thīn；感謝我ê 丈人kap丈姆，阿民kap阿玉，有恁tī kha-chiah後tàu-saⁿ-kāng照顧囡仔、hō͘伊十足ê母語環境，阮chiah ē-tàng chù心做chia--ê tāi-chì；感謝阮ê小弟小妹，恁各式各樣ê才情，hō͘ 咱ē-tàng做伙sńg chiah-ni̍h有意義ê tāi-chì，多謝恁 sio 放伴，咱tàu-tīn kā 台灣加油！Lo̍h尾beh感謝阮tau ê 董事長，chit本冊是beh送你ê，阮逐个lóng愛你！
2026專利防護中